"25 қазан - Республика күні"

Балабақшамызда 25 қазан – Республика күніне орай мерекелік ертеңгілік өтті. Іс-шараның мақсаты – бүлдіршіндердің бойына отансүйгіштік сезімін қалыптастыру, туған жерге деген сүйіспеншілігін арттыру және еліміздің мемлекеттік рәміздерін құрметтеуге тәрбиелеу.
Мерекелік ертеңгілік барысында балалар Отан туралы тақпақтар айтып, ән шырқап, патриоттық рухтағы өнерлерін ортаға салды. Көк туымызды қастерлеп, Қазақстанның тәуелсіздігі мен бірлігінің маңызын сезінді.
Осындай тағылымды шаралар арқылы балалардың бойында елге деген мақтаныш сезімі қалыптасып, ұлттық құндылықтарға деген құрметі арта түседі.
Республика күні құтты болсын! Еліміз аман, жұртымыз тыныш, көк байрағымыз әрдайым биікте желбіресін!